Нярайн хүй нь төрсний дараа 3-7 дэх хоногт цөглөдөг бол үлдсэн шарх нь 10-20 хоногийн дотор эдгэрдэг. Энэ үед хүрэн улаан, шаргал шүүс бага багаар гарч болно. Хүүхдийнхээ хүйг цэвэрлэхийн өмнө гараа сайтар угаахаа мартуузай!!!

Өдөрт 0-2 удаа Буцалгаж хөргөсөн ус шингээсэн #ариун_бинтийг төвөөс зах руу чиглэлтэй цэвэрлээд өөр бинтээр дахин хуурай болтол цэвэрлэнэ.

• Чих_цэвэрлэдэг_хөвөнгөөр_цэвэрлэхгүй!!!
• Маш_аюултай!

Хүйнээс ихэвчлэн 3 төрлийн шингэн гарна:

1. Тунгалаг усархаг шингэн
2. Цус
3. Шар, ногоон идээ гарна энэ тохиолдлуудад дээрх аргаар хүйг цэвэрлэх ба үр дүнгүй бол эмчид хандаарай.

Хүйн шарх эдгэртэл хүүхдийг буцалсан усанд оруулж болно. Гэхдээ заавал биш. Усанд оруулж дуусаад хүйн хонхорт үлдсэн усыг ариун бинтээр шингээж авна. Хүйнээс эвгүй үнэр гарсан тохиолдолд хүйгээ урсгал усаар бактерын эсрэг савангаар угааж, хуурайшуулна. Хэрэв хүйнээс шүүс ялгарахгүй, хуурай, цэвэр байвал заавал цэвэрлэх шаардлагагүй бөгөөд эмгэггүй үед хүйг олон цэвэрлэх нь халдвар орох эрсдэлийг нэмэгдүүлдгийг эцэг, эхэд анхааруулах нь зүйтэй.